ՊԱՀԱՆՋՎՈՂ ՓԱՍՏԱԹՂԹԵՐ

Հարցազրույցի օրը ցանկացած դիմող անկախ վիզայի տեսակից պետք է ներկայացնի հետևյալ փաստաթղթերը.

• Երկու ստացական` “Հայէկոնոմբանկի” որևէ մասնաճյուղում վերադարձման ոչ ենթակա վճարումը կատարելու վերաբերյալ:
• Պատշաճ կերպով լրացված և ստորագրված DS-156 հարցաթերթիկ, որի վրա պետք է փակցված լինի դիմողի լուսանկարը. այս հարցաթերթիկը տեղակայված է http://evisaforms.state.gov կայքում: Ուշադրություն. առցանց /օնլայն եղանակով լրացված հարցաթերթիկը պետք է ունենա գծիկավոր ծածկագիր, որն օգտագործվում է հյուպատոսական անձնակազմի կողմից փաստաթուղթը համակարգիչ տեսաներածելու նպատակով: Այդ իսկ պատճառով, այն լրացված հարցաթերթիկները, որոնց վրա ծածկագիրը հստակ չէ (անհաջող է տպված կամ գծերը ընդհատումներ ունեն), չեն ընդունվի: Այդպիսի դեպքերում դիմողից պահանջվում է հարցաթերթիկը կրկին ներկայացնել:

Վատորակ ծածկագրի նմուշ

Որակյալ ծածկագրի նմուշ

• Ոչ-ներգաղթային վիզայի հավելյալ հարցաթերթիկ DS-157-ը ապահովում է լրացուցիչ տեղեկություններ Ձեր ճամփորդական ծրագրերի մասին: Այս հարցաթերթիկը պետք է լրացվի 16-45 տարեկան արական սեռի բոլոր դիմողների կողմից:
• Հյուսիսային Կորեայի, Կուբայի, Սիրիայի, Սուդանի և Իրանի 16-ից բարձր տարիք ունեցող բոլոր քաղաքացիները` անկախ սեռից պետք է անխտիր լրացնեն այս հարցաթերթիկը: Հարցաթերթիկը տեղակայված է http://travel.state.gov/visa/frvi/forms/forms_1342.html կայքէջում:
• Ուսանողական ու փոխանակման ծրագրերի մասնակիցները (F1/M1/J1) DS-156 և DS-157 (եթե պահանջվում է) ձևերից զատ պետք է լրացնեն ու ներկայացնեն նաև DS-158 ձևը, որը տեղակայված է http://travel.state.gov/visa/frvi/forms/forms_1342.html կայքէջում:
• Անձնագիր, որը վավեր է Միացյալ Նահանգներ մեկնելու համար ու որի գործողության ժամկետը Միացյալ Նահանգներում մնալու նախատեսվող ժամկետից առնվազն վեց ամսով երկար է: ՀՀ քաղաքացիների անձնագրում պետք է լինի նաև ՀՀ-ից ելքի թույլտվության դրոշմակնիք, որի գործողության ժամկետն ուժի մեջ է ԱՄՆ մուտք գործելու օրից սկսած նվազագույնը երեք ամիս:
• Մեկ հատ 2"x2" (5x5 սմ) չափի վերջին վեց ամսվա ընթացքում կատարված լուսանկար յուրաքանչյուր դիմողի համար` փակցված DS-156 հարցաթերթիկի վրա: Լուսանկարում պետք է բաց ֆոնի վրա պատկերված լինի դիմողի դեմքն ամբողջությամբ: Ակնոցներով կամ դեմքը ծածկող այլ միջոցներով լուսանկարները չեն ընդունվում, եթե դրանք առողջական վիճակից չեն բխում (օրինակ` աչքի կապիչ): Դիմողի գլուխը չպետք է ծածկված լինի: