Մուտքի ներգաղթային արտոնագրի համար պահանջվող փաստաթղթեր

Ձեր գործի համար պահանջվող փաստաթղթերի վերաբերյալ տեղեկությունների համար խնդրում ենք ընտրել Ձեր միջնորդագրի/արտոնագրի համապատասխան տեսակը և սեղմել այն:

ԱՄՆ քաղաքացիների ընտանիքների անմիջական անդամների դիմումներ (ամուսին/կին, մինչև 21 տարեկան չամուսնացած երեխա, ծնող)
Միջնորդագրի տեսակ. I-130, մուտքի արտոնագրի տեսակ. IR1, CR1, IR2, CR2, IR5

• I-130 միջնորդագիրը և հրահանգները առկա են http://www.uscis.gov (Home>Immigration Forms>I-130) կայքէջում
• IR1/CR1 տեսակի մուտքի ներգաղթային արտոնագրի հարցազրույցի համար պահանջվող փաստաթղթեր

Ամերիկյան քաղաքացիների նշանածների դիմումներ (նաև կիրառվում է ամերիկյան քաղաքացու ամուսնու/կնոջ, մինչև 21 տարեկան չամուսնացած երեխայի համար, որի I-130 միջնորդագրի հաստատումը դեռ ընթացքի մեջ է)
Միջնորդագրի տեսակ. I-129F, մուտքի արտոնագրի տեսակ. K-1, K-3

• I-129F միջնորդագիրը և հրահանգները առկա են http://www.uscis.gov (Home > Immigration Forms > I-129F) կայքէջում
• K1/K3 տեսակի մուտքի ոչ-ներգաղթային արտոնագրի հարցազրույցի համար պահանջվող փաստաթղթեր

ԱՄՆ քաղաքացիների ընտանիքների ոչ-անմիջական անդամների և ԱՄՆ օրինական մշտական բնակիչների կնոջ/ամուսինների դիմումներ (քաղաքացիների չամուսնացած տղաներ և աղջիկներ, ամուսնացած տղաներ և աղջիկներ, քույրեր և եղբայրներ; օրինական մշտական բնակիչների կին/ամուսիններ, երեխաներ, չամուսնացած տղաներ և աղջիկներ)
Միջնորդագրի տեսակ. I-130, մուտքի արտոնագրի տեսակ. F1, F2, F3, F4

• I-130F միջնորդագիրը և հրահանգները առկա են http://www.uscis.gov (Home > Immigration Forms > I-130) կայքէջում
• F տեսակի մուտքի ներգաղթային արտոնագրի հարցազրույցի համար պահանջվող փաստաթղթեր

Ապաստան ստացողի/փախստականի ընտանիքի վերամիավորման դիմումներ
Միջնորդագրի տեսակ. I-730, մուտքի արտոնագրի տեսակ. YY/ZZ

• I-730 միջնորդագիրը և հրահանգները առկա են http://www.uscis.gov (Home > Immigration Forms > I-730) կայքէջում
• YY և ZZ տեսակի արտոնագրի հարցազրույցի համար պահանջվող փաստաթղթեր

Դիմումներ աշխատանքային արտոնագրերի համար
Միջնորդագրի տեսակ. I-140, մուտքի արտոնագրի տեսակ. E-1/2/3

• I-140 միջնորդագիրը և հրահանգները առկա են http://www.uscis.gov (Home > Immigration Forms > I-140) կայքէջում
• E տեսակի մուտքի ներգաղթային արտոնագրի հարցազրույցի համար պահանջվող փաստաթղթեր

Դիմումներ բազմազանության արտոնագրերի համար
Միջնորդագրի տեսակ. չկա, մուտքի արտոնագրի տեսակ. DV

• Բազմազանության արտոնագրերի խաղարկության մասին տեղեկություններն առկա են http://travel.state.gov/visa/immigrants/types/types_1322.html կայքէջում
• DV տեսակի մուտքի ներգաղթային արտոնագրի հարցազրույցի համար պահանջվող փաստաթղթեր

Թարգմանչի կամ նոտարի կողմից վավերացված թարգմանություններ

Պահանջվում է ներկայացնել բոլոր փաստաթղթերի բնօրինակները, պատճեններն ու անգլերեն թարգմանությունները: Փաստաթղթերի բնօրինակը չի պահանջվում, եթե դուք այն արդեն ուղարկել եք ԱՄՆ պետդեպարտամենտի վիզաների ազգային կենտրոն: Վիզաների ազգային կենտրոնը բնօրինակ փաստաթղթերը Ձեր գործի նյութերի հետ միասին կուղարկի հյուպատոսարան: Այն դեպքում, երբ փաստաթղթի բնօրինակը անգլերեն, ռուսերեն կամ հայերեն լեզվով չէ, պահանջվում է նոտարի կողմից վավերացված անգլերեն թարգմանությունը: Եթե բնօրինակը անգլերեն է, պահանջվում է ներկայացնել պատճենը: Իսկ եթե բնօրինակը հայերեն կամ ռուսերեն է, ապա` պահանջվում է միայն թարգմանչի կողմից վավերացված թարգմանությունը: Թարգմանչի կողմից վավերացված թարգմանությունը պետք է պարունակի թարգմանչի կողմից ստորագրված հայտարարություն այն մասին, որ թարգմանությունը ճիշտ է և լիարժեք, և որ թարգմանիչը իրավասու է կատարելու նման թարգմանություն:

Փաստաթղթային պահանջներ ըստ երկրների

Ձեր իրավիճակից ելնելով` հնարավոր է կարիք լինի ներկայացնելու փաստաթղթեր այն երկրներից, որտեղ Դուք նախկինում բնակվել եք. օրինակ` տեղեկանք ոստիկանությունից, ծննդյան վկայական և այլն: Պետդեպարտամենտն ունի տեղեկություններ այն մասին, թե որ երկրում ինչ փաստաթղթեր են տրվում և ինչպես կարելի է դրանք ձեռք բերել: Ըստ առանձին երկրների պահանջվող փաստաթղթերի հետ կապված առավել մանրամասն տեղեկությունների համար այցելեք http://travel.state.gov/visa/frvi/reciprocity/reciprocity_3272.html կայքէջում:

Բժշկական զննում

Ներգաղթային արտոնագրերի համար դիմող բոլոր անձինք պետք է անցնեն բժշկական զննում` ԱՄՆ դեսպանատան կողմից արտոնված բժիշկների խմբի կողմից: Բժիշկների ցուցակ-ին կից ներկայացված են տեղեկություններ բժշկական զննման հետ կապված ծախսերի և բժիշկների հետ պայմանավորվածություն ձեռք բերելու վերաբերյալ: